ಕರ್ನಾಟಕದ ಮಲೆನಾಡಿನ ಹೆಬ್ಬಾಗಿಲು ಎನಿಸಿರುವ ಶಿವಮೊಗ್ಗ ಜಿಲ್ಲೆ 19ನೇ ಶತಮಾನದಲ್ಲಿ ಕಬ್ಬಿಣ ಮತ್ತು ಉಕ್ಕು, ಸಕ್ಕರೆ, ಪೇಪರ್, ಗಂಧದೆಣ್ಣೆ, ಸಾಬೂನು, ಬೆಂಕಿಪೊಟ್ಟಣ ಕಾರ್ಖಾನೆಗಳನ್ನು ಹೊಂದಿತ್ತು. ಆದರೆ ಇತ್ತೀಚಿನ ವರ್ಷಗಳಲ್ಲಿ ಈ ಎಲ್ಲಾ ಉದ್ಯಮಗಳು ವೇಳೆ ವಿವಿಧ ಕಾರಣದಿಂದಾಗಿ ಮುಚ್ಚಲ್ಪಟ್ಟಿವೆ. ಇದರಿಂದ ಶಿವಮೊಗ್ಗ ಜಿಲ್ಲೆಯ ಕಾರ್ಮಿಕ ವಲಯ ಮತ್ತು ಕೃಷಿ ಅವಲಂಬಿತರು ತೀವ್ರ ಸಂಕಷ್ಟಕ್ಕೆ ಸಿಲುಕುವಂತಾಗಿದೆ.
ಈ ಕುರಿತು ಕೇಂದ್ರ ಸಚಿವರಾದ ಹೆಚ್. ಡಿ. ಕುಮಾರಸ್ವಾಮಿ ಅವರ ಗಮನ ಸೆಳೆಯಲು ಶಿವಮೊಗ್ಗ ನಗರ ಜೆಡಿಎಸ್ ಉಪಾಧ್ಯಕ್ಷ ಶ್ರೀ ಕೆ. ಬಿ. ಪ್ರಸನ್ನ ಕುಮಾರ್ ನೇತೃತ್ವದಲ್ಲಿ ಶಿವಮೊಗ್ಗ ನಗರ ಜೆಡಿಎಸ್ ತಂಡ ದೆಹಲಿಗೆ ತೆರಳಿ ಸಂಸದರ ಗಮನಕ್ಕೆ ತಂದರು.
ಅವರ ಪ್ರಯತ್ನಕ್ಕೆ ತಕ್ಷಣ ಸ್ಪಂದಿಸಿದ ಕೇಂದ್ರ ಬೃಹತ್ ಕೈಗಾರಿಕೆ ಮತ್ತು ಉಕ್ಕು ಸಚಿವರಾದ ಹೆಚ್. ಡಿ. ಕುಮಾರಸ್ವಾಮಿ ಭದ್ರಾವತಿಯ VISL ಉಕ್ಕು ಕಾರ್ಖಾನೆಗೆ ತಕ್ಷಣ ಭೇಟಿ ನೀಡಿದರು.
ಭದ್ರಾವತಿಯ ಉಕ್ಕು ಕಾರ್ಖಾನೆಯ ಇತಿಹಾಸ:
ಭದ್ರಾವತಿಯ VISL ಉಕ್ಕು ಕಾರ್ಖಾನೆಯು ಕರ್ನಾಟಕದಲ್ಲಿ ಹೆಸರುವಾಸಿಯಾಗಿರುವ ಉದ್ಯಮವಾಗಿದೆ. 1923ರಲ್ಲಿ ಆರಂಭಗೊಂಡು, ಇದು ಭಾರತದ ಅತಿ ಪ್ರಾಚೀನ ಮತ್ತು ಪ್ರಮುಖ ಉಕ್ಕು ಕಾರ್ಖಾನೆಗಳಲ್ಲಿ ಒಂದಾಗಿದೆ. ಹಲವಾರು ಆರ್ಥಿಕ ಸವಾಲುಗಳು ಮತ್ತು ನಿರ್ವಹಣಾ ಸಮಸ್ಯೆಗಳನ್ನು ಎದುರಿಸಿದರೂ, ಕಾರ್ಖಾನೆಯು ಇಂದು ಪೈಪೋಟಿಯ ಉತ್ಪಾದನೆಗಾಗಿ ಹೆಸರುವಾಸಿಯಾಗಿದೆ.
ಕೇಂದ್ರ ಸಚಿವರ ಭರವಸೆ:
ಕೆ. ಬಿ. ಪ್ರಸನ್ನ ಕುಮಾರ್ ನೇತೃತ್ವದ ತಂಡ ದೆಹಲಿಗೆ ಭೇಟಿ ನೀಡಿದಾಗ, ಅವರು VISL ಉಕ್ಕು ಕಾರ್ಖಾನೆಯ ಪುನಶ್ಚೇತನದ ಅಗತ್ಯವನ್ನು ಬಲವಾಗಿ ಒತ್ತಿಹೇಳಿದರು. ಈ ಪ್ರಯತ್ನಕ್ಕೆ ತಕ್ಷಣ ಸ್ಪಂದಿಸಿದ ಹೆಚ್. ಡಿ. ಕುಮಾರಸ್ವಾಮಿ, ಭದ್ರಾವತಿಯ ಉಕ್ಕು ಕಾರ್ಖಾನೆಯನ್ನು ಪುನಶ್ಚೇತನ ಮಾಡುವ ಭರವಸೆ ನೀಡಿದರು. ಇದರಿಂದ ಆ ಭಾಗದ ಕಾರ್ಮಿಕರು ಮತ್ತು ಜನಸಾಮಾನ್ಯರಲ್ಲಿ ಭರವಸೆ ಮೂಡಿತು.
ಶಿವಮೊಗ್ಗ ಜೆಡಿಎಸ್ ನಾಯಕರ ಬೇಟಿಯ ಫಲಪ್ರದ.
VISL ಉಕ್ಕು ಕಾರ್ಖಾನೆಯ ಪುನಶ್ಚೇತನದಿಂದ ಕೇವಲ ಆರ್ಥಿಕ ಏಳ್ಗೆ ಮಾತ್ರವಲ್ಲ, ಸ್ಥಳೀಯರಿಗೆ ಉದ್ಯೋಗಾವಕಾಶಗಳು ಮತ್ತು ಆರ್ಥಿಕ ಪ್ರಗತಿಯೂ ಒದಗಿಸುತ್ತದೆ. ಈ ಉದ್ದೇಶದೊಂದಿಗೆ, ಕಾರ್ಖಾನೆಯ ನಿರ್ವಹಣಾ ಪರಿಷ್ಕರಣೆ, ತಾಂತ್ರಿಕ ಸುಧಾರಣೆ ಮತ್ತು ಮೂಲಸೌಕರ್ಯ ಅಭಿವೃದ್ಧಿಗೆ ಕೇಂದ್ರ ಸರ್ಕಾರದ ಅನುದಾನ ಮತ್ತು ಪ್ರೋತ್ಸಾಹ ಅಗತ್ಯವಿದೆ.
